२० साउन, काठमाडौं । नेकपा एमालेका नेता माधवकुमार नेपालले माओवादीसँगको सम्वन्ध टुट्ट सक्ने बताउनु भएको छ ।
शनिबार पार्टी कार्यकर्ता प्रशिक्षणमा नेता नेपालले भन्नुभयो-माओवादीसँगको सम्बन्धबारे हाम्रो नेपाली काँग्रेससँग कुराकानी भइराखेको छ । ऊसँगको हाम्रो सम्बन्ध टुट्न सक्छ ।’
उहाँले वर्तमान प्रधानमन्त्री डा बाबुराम भट्टराई नेतृत्वको सरकारले सहमतिलाई लत्याएर संक्रमणकाल लम्ब्याइरहेको आरोप लगाउनुभयो । सरकार टिकाउन प्रधानमन्त्रीले भारतसमक्ष आत्मासमर्पण गरेको उहाँको भनाई थियो ।
माओवादीकै कारण संविधानसभा विघटन भएको भन्दै उहाँले उहाँले २८ महिनासम्म नेतृत्व सम्हालेको एमालेले सहमतिलाई नलत्याएको दावी गर्नुभयो ।
एमालेका केन्द्रीय सदस्य परशुराम मेघी गुरुङले एमाले सङ्घीयता विरोध पार्टी नभएको स्पष्ट पार्नुभयो । प्रशिक्षणमा धौलागिरी, गण्डकी, लुम्बिनीका अगुवा कार्यकर्ताहरुको सहभागिता थियो ।
0 comments:
Speak up your mind
Tell us what you're thinking... !